以下都係今日之內發生既對話...
媽：快啲飲湯啦，唔飲凍啦！
我：有咩㗎？
媽：蓮藕，綠豆，粟米，章魚，豬尾骨...啱㗎啦而家飲，就係要清下！
我：清咩啊？
媽：清下熱啊清下囉！
我：哦...
媽：阿囡你有冇沖嗰個田七粉黎飲？
我：得啦我會沖，放心！（其實仲未開始）
媽：阿囡媽咪溝好嗰啲果仁要食㗎（合桃杏仁紅棗杞子南瓜籽），你同妹妹一人一樽㗎嘛，點解仲未食？（擺左兩個月喇...😅）。
我：有啊，有食啊！（但仲係好大樽，因為冇乜味，好難食=_=）
媽：你啲枕頭套要換得勤啲，兩日前黎見到你用嗰個同今日既都仲係同一個嘅？
我：...（兩日咋wor媽咪...）
媽：你一定要好好注意衛生（一路抹緊我啲門隙），咁樣對皮膚唔好啊...
我：媽，我日日都有清潔架（但門隙我就冇喇lol），不過我唔係自己嘅鐘點啊，我都要做嘢㗎...
媽：我知，所以媽咪咪幫你囉，媽咪E家就只可以為你做啲嘢...
搞完一大輪，媽咪爹哋離開屋企，我臨閂門口之前同媽咪講咗句：「媽咪我愛你啊」
媽會有一個合口笑容就消失了... 母親節快樂。
#happymothersday2018
#鍾媽媽
Search